Жељко Ѓекиќ (54) вчера попладне влегол во продавница во Сплит и откако и се развикал на поранешната партнерка, ја нападнал жената со нож и ја избодел. Од здобиените повреди таа починала во болница.
Големо црвено срце од лампиони утрово гори за жената (44) која вчера попладне беше брутално убиена во продавница во Сплит на Пољичка цеста.
Свеќи запалија синоќа бројни познаници и колеги, а утрово пред вратите на затворената продавница во горат свеќи форма на срце.
Во продавницата има само неколку луѓе, а оние кои не слушнале за злосторството, а сакале да одат во оваа продавница утрово, застанале во тишина и се свртеле.
Страшното убиство на жена вчера ја шокираше цела Хрватска. Нешто пред 15 часот жената била избодена со нож во продавница, а подоцна во болница им подлегнала на повредите. За делото е осомничен 54-годишниот Жељко Ѓекиќ, кој влегол во продавницата каде работела неговата поранешна партнерка и почнал да вика. Потоа ја нападнал со нож и ја избодел 15 пати.
Тој и викал на цел глас: „Три месеци не ми дозволи да го видам детето!“. Потоа почна да ја боде и јас не можев повеќе да гледам – изјави еден од сведоците на нападот за Слободна Далмација.
Напаѓачот бил совладан од млади момчиња и чувар во продавница, а потоа бил уапсен.