Вчера од Дунав кај Костолац беше извлечено тело во фаза на распаѓање, за кое се претпоставуваше дека би можело да биде на исчезнатиот Матеј Периш. Телото го пронашол жал што ловел риба во близина, а одредени детали укажуваат дека сепак не се работи за исчезнатиот Матеј Периш, пишува Информер.
Клучните детали кои се веќе разгледани во потрагата по исчезнатиот млад Хрват не се совпаѓаат со пронајдените останки.
Имено, она што ја побива тезата дека се работи за Матеј е дека телото е пронајдено во поодмината фаза на распаѓање, што значи дека било во водата најмалку шест месеци, додека Матеј Периш исчезна ноќта меѓу 30 и 31 декември.
Исто така, патиката пронајдена на телото не соодветствува со описот на оние патики кои Матеј ги носел ноќта на исчезнувањето, што го потврди и Ненад Периш. Бидејќи, според информациите на српски Курир, на телото пронајдено кај Костолац имало црни патики.
– Ме повика полиција во петокот и побара да потврдам дали Матеј има бели или сини патики. Имаше бели со сина буква V од страна. Им препратив фотографија од патиките што ги имаше Матеј бидејќи и јас ги имам истите. Тој го носеше бројот 44/45 во зависност од моделот, а јас носам еден број поголем. Тоа ме прашаа бидејќи при претресот нашле сини патики, изјави Ненад Периш.
На пронајденото тело долниот дел од облеката се распаднал поради долго стоење во вода, а се гледаат и остатоци од долна облека со натпис „underwear“, сведочеше човекот кој го забележал телото, додавајќи дека несреќниот маж најверојатно бил во водата екстремно долго време, па бил пронајден само дел од телото.
Експертите објаснија дека по толку долго стоење во вода, речните риби го „напаѓаат“ телото, што се распаѓа до степен на непрепознатливост. Дежурниот обвинител нареди обдукција на остатоците од телото, за да се изврши идентификација и евентуално утврдување на причината за смртта.