Во понеделникот околу 21 часот и 15 минути на коловозот на улицата Солинска во Сплит се случила сообраќајна незгода, судир на две патнички возила.
На местото на настанот е извршен увид. Утврдено е дека постои основано сомнение дека 47-годишен возач во алкохолизирана состојба (утврдена е концентрација на алкохол 1,85 г/кг) ја предизвикал сообраќајната незгода на тој начин што со своето возило преминал на спротивната лента и удрил во предната лева страна на друго патничко возило во кое се наоѓале жена возач и четири деца.
Жената која го управувала возилото и едното дете се здобиле со тешки телесни повреди и се задржани во болница. Со тешки физички повреди се здобил и возачот кој ја предизвикал сообраќајката, но по укажаната помош бил пуштен на слобода, додека останатите учесници се здобиле со полесни повреди.
Возачот е приведен и задржан во полиција до отрезнување, по што против него ќе биде спроведена кривична истрага поради постоење основи на сомнение за сторено кривично дело. Утврдено е дека е рецидивист (лице кое и претходно имало прекршоци) во сторени сообраќајни прекршоци, а досега е пријавен прекршок за возење во алкохолизирана состојба, поминување на црвено светло и пребрзо возење.
– Како што дознаваме, шест лица од оваа несреќа, четири деца и двајца возрасни, синоќа биле примени во Клиничкиот болнички центар во Сплит, објавуваат хрватските медиуми.
Две деца (родени 2013 година) се со полесни физички повреди и по лекарска помош се пуштени на домашна нега. Девојчето (родено 2013 година) има контузија на градниот кош и е хоспитализирано на Клиниката за детска хирургија.
Друго девојче (родено 2014 година) има повреди на неколку органски системи, а најтешка е повредата на главата. Таа е сместена на Одделот за интензивна нега на Клиниката за детски болести и нејзиниот живот е во животна опасност.
Жената возач (родена 1981 година) има скршеници на пршлените и е задржана на опсервација во хируршки шок. Возачот (1977) по укажана лекарска помош бил отпуштен.
