Прехранбената компанија „Подравка“ објави огласи со кои бара повеќе работници за различни работни места.
„Подравка“ бара готвач и келнер за работа во нивните ресторани Штагељ и Кралуш во Копривница. Тие нудат и можност за постојано вработување.
Нудат и „плата која ќе се состои од основна плата и надоместоци за работен стаж во Подравка, износ на провизија во зависност од исполнувањето на целите, надоместоци за смени и услови за работа“.
„Дополнително, работникот ќе има право на следните бенефиции: фиксен месечен додаток на плата, надоместок за трошоци за превоз, исплата во третиот пензински столб, регрес за годишен одмор, божиќен бонус, автобуска карта, субвенционирана храна и други поволности по Колективен договор“, посочуваат во Подравка.
Според овие информации, почетник готвач или келнер во Подравка од самиот почеток може да заработи повеќе од 1.000 евра нето месечно. Од условите се бара завршено средно училиште и една година искуство.
Компанијата бара и пет помошни работници во земјоделството. Условот е основно училиште, без искуство, а можно е и постојано вработување. Почетната плата е околу 850 евра бруто плус додатоци.
„Како помошен работник ќе се занимавате со садење и берење зеленчук, наводнување и други работи на земјоделско земјиште согласно потребите на одредена градинарска култура.
Конечно, Подравка бара и двајца електричари за одржување со завршено средно образование и една година работно искуство. Работата е на неопределено време.