Невиден случај со полицаец и негова колешка која е пријавена за уцена ја тресе Грција, јавуваат грчките медиуми. Според информациите на protothema.gr, случајот почнал да се расплетува минатиот вторник наутро (25/6) кога 31-годишниот полицаец поднел пријава дека колешка го уценува. Впрочем, како поткрепа на кажаното, покажал и релевантни пораки кои ги добил на мобилниот телефон.

Како што опишува полицаецот, тој пред 12-тина дена преку Фејсбук се сретнал со својата колешка и почнале да комуницираат. Кога 31-годишниот одлучил дека сака да ја прекине комуникацијата, таа почнала вербално да му се заканува дека лажно ќе го пријави за навредливо однесување кон неа и дека ќе му направи службени проблеми. Всушност, таа го предупредила дека доколку сака да го остави на мира, ќе мора да ѝ даде 250 евра.

Како што рече полицаецот, тој се плашел и се загрижил за својата иднина во службата, дури и да биде отпуштен од грчката полиција, а тоа затоа што неговата колешка е хиерархиски над него. Поради оваа причина тој попуштил на нејзините барања и ѝ платил 250 евра на средба во Атина.

Потоа, полицајката продолжила да го покажува истото однесување кон оштетениот, сè додека во четвртокот, на 20 јуни, повторно побарала пари, при што полицаецот повторно попуштил и ѝ платил уште 230 евра.

Полицаецот потоа се обидел да ги блокира начините на комуникација со неговата колешка, но таа му се јавила по телефон, прикривајќи го својот број и во текот на телефонските разговори постојано барала повторно да ѝ се дадат пари.

По ова полицаецот решил да поднесе пријава. Впрочем, при преглед од страна на колегите, на мобилниот телефон му се јавило лице кое го сокрило неговиот телефонски број и при нивниот разговор што следел пред полициски службеници, се дознало дека тоа е обвинетата полицајка.

Впрочем, од дијалогот меѓу нив во целост се потврдија поплаките на полицаецот бидејќи од пријавителот било побарано да се сретнат, барајќи и по трет пат да ѝ ја предаде сумата од 250 евра и меѓу другото му кажала дека ако ги даде парите „… нема да му наштети“.

После тоа, полицијата ја обележила сумата од 250 евра, ја „наместиле“ средбата и откако полицаецот ѝ ги предал парите на пријавената, таа била уапсена.