Шокантни моменти се објавени во видео снимката од крвавата тепачка во грчкиот град Колонос, која резултираше со застрелан 38-годишен разбојник кој претходно упадна во филијала на банка.

На снимките се гледа моментот кога 38-годишникот се движи заканувачки кон полицаецот, со намера да го избоде, при што полицаецот го употребил оружјето и го повредил во пределот на стомакот.

Инцидентот се случил во вторник наутро во 11 часот и 15 минути, кога властите добиле повик за грабеж во филијала на банка лоцирана на улицата Ахилеос.

Полицајците излегле на местото на настанот и почнале да го бркаат сторителот, додека во „потерата“ учествувал и полициски службеник кој не бил на должност, а кој случајно се нашол во близина на местото на настанот во моментот на инцидентот.

На крајот, насилникот не успеал да избега далеку, бидејќи неколку улици подолу полицијата успеала да му пријде. Мажот потоа им се заканувал со нож и настанала тепачка во која еден од полицајците пукал во 38-годишникот, ранувајќи го во пределот на стомакот.

Како што подоцна произлезе од истрагата, уапсениот од претходно и е добро познат на полицијата со различни кривични дела.