ПОЛИЦИЈАТА ТРАГА ПО НИВ: 30 годишната мајка Ивана Ѓ. исчезна со своето 4 годишно дете – сомнежите се дека скокнале во река

Во црногорската полиција синоќа било пријавено исчезнувањето на подгоричанката Ивана Ѓ. (30) и нејзиното малолетно четиригодишно дете.

По пријава доцна синоќа кај мостот Луча пронајдено е возилото на исчезнатата жена, како што неофицијално соопштија од Управата на полицијата. Од полицијата соопштија дека надлежните служби во моментов трагаат по исчезнатите лица.

Според „Новости“, мајката наводно скокнала од мостот додека го држела своето дете (4) во раце. Црногорската полиција се уште не ја потврди оваа информација.

Според порталите во Црна Гора, потрагата по Ивана и нејзиниот малолетен син е во тек, а во моментов се трага по реката Морача од мостот во градот Луча до градот Понаре.

– Ја пребаруваме реката Морача со чамци од мостот Луча до Понаре. Со помош на дрон го пребаруваме и брегот по тој потег. Во акцијата се вклучени и ренџери од Агенцијата за заштитени подрачја Подгорица, кои исто така трагаат со дрон – изјави в.д. Командантот на Службата за заштита и спасување на главниот град на Црна Гора, Здравко Блечиќ.