Постковид синдромот е загрижувачки факт, тврди д-р Мирсад Џерлек, државен секретар на Министерството за здравство во Србија. Тој истакна дека не треба да се занемари сојот омикрон на коронавирусот, иако тој сој заразил многу помал број на пациенти во споредба со делта сојот.

Џерлек предупредува дека постковид синдромот е загрижувачка работа, која не треба да се сфаќа несериозно. Покрај потсетувањето за заштитата од вакцинација, тој смета дека е неопходно да се покрене и прашањето за евентуална четврта доза од вакцината.

– Очекувам совет и препорака од Националниот комитет за имунизација и не е на одмет да се разговара за четврта доза, иако третата доза е приоритет во моментов, како и првите две, вели Џерлек.

Дополнително, тој посочува дека единствената добра работа за овој вирус е што само два отсто од заболените се хоспитализирани.

– Она што ме загрижува е дека овој постковид синдром е многу опасен, на кој луѓето обично забораваат. Младите имаат поблага клиничка слика и го преболуваат Ковид 19, но се случува истите тие пациенти да се вратат по неколку месеци со миокарден инфаркт, со мозочни удари. Не е се решено кога ќе завршите со Ковид и не сте веќе позитивни. Постковид синдромот е многу сериозна и загрижувачка работа, предупредува Џерлек.

Со оглед на тоа што Светската здравствена организација најавува дека до крајот на годинава ќе има стабилизација и враќање на нормалниот живот, Џерлек истакнува дека е оптимист и се надева на ваков исход во текот на 2022 година.

– Гледаме дека потенцијалот на вирусот е слаб. Омикрон не треба да се потценува, но сепак е послаб и процентот на хоспитализирани е многу помал отколку кога е во прашање делта сојот, што значи дека полека гледаме дека потенцијалот на вирусот е слаб, што е охрабрувачки, рече Џерлек.

Како да препознаете мозочен удар?

Мозочните удари се случуваат брзо и без најава, па симптомите се појавуваат одеднаш и без предупредување. Тој е е 5-та водечка причина за смртност, на секои 4 минути умира по едно лице. Настанува кога ќе дојде до проблеми со снабдувањето на мозокот со крв, поради блокирање или прскање на крвните садови. Мозочниот удар претставува итен медицински случај, па затоа е неопходен навремен третман.

Најчести симптоми: конфузија (збунетост), проблеми со зборувањето и разбирањето, ненадејна зашеметеност или слабост на телото, особено, доколку се одрази само на едната страна, ненадејна остра главоболка од непозната природа, вкочанетост на лицето, ненадејни промени во, визијата на едното или двете очи или тешкотии при голтањето, нарушувања во координацијата, вртоглавици, ненадејна вртоглавица или губење рамнотежа, ненадејна конфузија, тешкотии при зборување и разбирање меморија

Дијагностицирање

Во зависност од тоа колку брзо и точно ќе се дијагностицира, пациентот може да добие повремена или трајна онеспособеност, како последица на мозочниот удар. Поради овие симптоми можно е кај пациентите да се појават компликации со контрола на мочниот меур или дебелото црево, депресија, болка во рацете или нозете, парализа и слабост на едната страна на телото, проблеми со контролирање и изразување на емоции. Дијагнозата може да се постави и пред пациентот да посети доктор. Постои еден акроним F.A.S.T. кој ги најавува симптомите на мозочниот удар и даваат полесна идентификација на состојбата:

F (face) – кога е зафатена едната страна од лицето, па пациентот колку и да се труди да се насмевне, насмевката опаѓа

A (arm) – слабост на рацете

S (speech) – промени во говорот

T (time) – ако се забележи некој од овие симптоми неопходно е веднаш да се реагира и да се побара итна помош.

Колку побрзо лицето биде однесено на доктор, толку побрзо ќе се постави дијагноза и помала е веројатноста да се добие трајно оштетување или смрт. Најдобри резултати од третманот на мозочен удар се добиваат доколку пациентот се одесе во болница најдоцна до 3 часа по појавување на првите симптоми.

Кој може да добие мозочен удар?

Пациентите кои имале преживеано срцев удар

Пациенти со нерегулиран крвен притисок и шеќер во крвта

Недоволен сон

Слаба физичка активност

Напорна работа и премногу обврски

Почесто се појавува кај повозрасните мажи