Волкан Конак (58), популарен турски пејач кој беше препознатлив по својот глас и даде значаен придонес во турската народна музика, почина за време на концерт на Кипар, пренесуваат странските медиуми.
Конак се струполил за време на настап на сцената, а членовите на бендот и организаторите ведшан пробале да му помогнат. Пејачот итно бил пренесен во болница, но и покрај напорите на лекарите била констатирана смрт.
Смртта на пејачот ја потврди и градоначалникот на Анкара Мансур Јавас.
„Почина „Синот на северот“ Волкан Конак. Неговиот моќен глас ги допре нашите срца, неговите песни кои го донесоа бунтовниот ветар на Црното Море сега ќе живеат во нашите сеќавања. Тој не беше само уметник. Тој беше гласот, срцето и пријателот на овие земји. Господ да го помилува, сочувство до неговите најблиски“, напишал тој.
Конак беше сакана личност во турската музика, позната по спојувањето на фолк и модерните стилови.