Семејството Ѓокиќ од Алексинац, Горан (57), неговата сопруга Гордана (56) и ќерката Лидија (25), биле убиени со неколку куршуми, од кои фатален бил оној што бил застрелан во главата од секоја од жртвите, објавува Телеграф.рс.

– Начинот на кој е извршено делото зборува за бруталноста на сторителот. Горан беше во лоша здравствена состојба, лесно можеше да биде соборен и ограбен. За неговата сопруга и ќерката не може ниту да се зборува како за лица кои би можеле да му се спротивстават на вооружениот напаѓач. Фактот дека ги застрелал во глава покажува дека напаѓачот (или напаѓачите) не сакал да оставиниту најмала можност тие да го преживеат нападот. За жал, тоа укажува дека убиецот најверојатно бил некој од нивната околина, односно дека Ѓокиќ го познавале, па неговата намера била да ги спречи да го идентификуваат, велат соговорниците на Телеграф запознаени со овој случај.

Иако сеуште не е познато каде точно е убиено семејството, има причини за сомнеж дека животот им е одземен во возилото.

– Чаурата што беше пронајдена до опожарениот автомобил, укажува на веројатност дека му паднала на сторителот кога ги собирал додека ги отстранува трагите од злосторството. Исто така, палењето на автомобилот е извршено со намера да се отстранат трагите од убиството. Исто така, поверојатно е дека ги убил веднаш, отколку што ги одвел живи неколку километри до местото на ликвидација, бидејќи ризикувал да му се спротивстават, некој да излезе од возилото или да биде попречен на друг начин, објаснува изворот.

И покрај интензивната полициска потрага за време на која беа испрашувани голем број луѓе од Алексинац и околината, досега никој не е осомничен за злосторство какво што не се памети.

Имајќи предвид дека телата на Ѓокиќ биле изгорени, а потоа фрлени во јама во оддалечениот дел од селото Моравац, и дека автомобилот бил скриен во шумата, десет километри подалеку на непристапно место, јасно е дека убиецот е некој кој добро ја познава областа. Сепак, речиси е сигурно дека имал помошници, бидејќи се било добро испланирано.

Горан бил следен извесно време, напаѓачот бил запознат со неговата навика да ја посетува мајка му за време на викендите и го знаел што што и целиот Алексинац, дека секогаш носел голема сума пари со себе.

Потсетуваме, чауратаа беше пронајдена нешто порано во близина на запалениот автомобил на семејството од Алексинац.

Телата на членовите на семејството Ѓокиќ биле изгорени до тој степен што не можеле да се препознаат, а беа пронајдени во саботата, шест дена по исчезнувањето, во дупка во атарот на селото Моравац. Околу 7 километри подалеку во селото Тешица бил нивниот автомобил „пасат“, кој исто така бил запален.