Маж активирал експлозивна направа во „Клоштар Иваниќ“ во централна Хрватска, а наводно има друга со себе, јавуваат тамошните медиуми. Полицијата и пожарникарите се на терен и им забранија на луѓето да се приближуваат, се наведува во написите.
Полицијата ги евакуирала луѓето кои биле во непосредна близина на мажот. Наводно тој има повеќе оружје со себе.
Според хрватските медиуми, на терен се сите расположливи сили, од полицијата, пожарникарите и брзата помош. Се се случува во близина на училиште и се чека на доаѓањето на пиротехничарите.
На терен е испратен и преговарач.
– Според неофицијални информации, повреден е човекот кој ја активирал бомбата. Се вели дека е постар човек, објавија медиумите.
– Сега се заканува дека ќе активира уште една бомба и ќе си го одземе животот.
