Осумчлено семејство го посетило ресторанот Bella Ciao во Порт Талбот, Велс, каде што направиле сметка од 329 фунти (околу 24.000 денари), а потоа избегале. Вработените во ресторанот, кој нуди италијанска кујна, изјавиле дека на семејството му донеле скапи шницли, двојни десерти и дека испиле 15 шишиња вино, пишува Дејли мејл.
Откако ја добила сметката, мајката се обидела да плати со картичка, која двапати била одбиена. Наводно на вработените им рекла дека нејзиниот син ќе чека во ресторанот додека таа оди да земе друга картичка. На крајот не се вратила, а момчето исчезнало од просторијата.
– Момчето се приближи до вратата и почна да бега. „Мојот син сакаше да тргне по него, но јас му реков да не оди“, изјави менаџерот Тајрон Рис.
Подоцна дознал дека нема начин да стапи во контакт со семејството бидејќи бројот што бил користен за резервацијата бил лажен. Рис го пријавил инцидентот во полиција.
Ресторанот Bella Ciao објави снимка од надзор на социјалните мрежи кои станаа вирални во текот на викендот, при што повеќе од 12 милиони луѓе ја видоа објавата. Откако го објавил видеото, бил контактиран од рестораните во околината кои исто имале искуство со семејството кое одбило да плати.
– Полицијата на Јужен Велс се занимава со нашиот случај од минатиот август. Поднесовме жалба и ништо не се случи. Ова семејство ги повторило делата и подоцна полицијата знае кои се тие и нивната адреса, напишаа од The River House Lounge & Restaurant.
Сопственикот на ресторанот е незадоволен што полицијата не реагирала побрзо за да ги фати сторителите. Тој коментираше дека редовно плаќа данок, а сепак е немоќен. Го лути тоа што некој може да се извлече без последици од овие околности.