Вишото јавно обвинителство Заечар соопшти дека е одредено задржување на осомничените за тешко убиство на двегодишната Данка Илиќ.
На 4.4.2024 година, во 7 часот, по наредба на Вишото јавно обвинителство Заечар, полициското одделение во Бор одреди приведување на Ј. С. (1974) од с. Лука и Д. Д. (1974) од селото Злот поради постоење основи на сомнение дека на 26.3.2024 година ѝ го одзеле животот на Данка Илиќ (2022) и дека како соизвршители сториле кривично дело тешко убиство“, се вели во соопштението.
– Тие се товарат за тешко убиство во соизвршителство, за кое е предвидена казна затвор од најмалку десет години или доживотен затвор, објави Нова.рс.
Од Обвинителството потврдија дека преземаат мерки за прибавување и обезбедување на доказите неопходни за водење кривична постапка против осомничените. Најавија дека јавноста ќе биде навремено информирана за натамошниот тек на постапката.