Како етнички Бугари на пописот спроведен минатата година се изјасниле 0,19% од вкупното попишано население во државава.

Во резултатите кои Државниот завод за статистика ги објави денеска може да се погледне и коплетна листа на сите етнички групи кои живеа на територијата на Северна Македонија.

Меѓу поголемите етнички неуставни заедници се следниве:

3.504 (0,19%) – Бугари, 2.406 (0,13%) – Египјани, 2.145 (0,12%) – Хрвати, 1.023 (0,06%) – Црногорци

Од сите изјаснети како Бугари, дури помалку од половина навеле дека мајчин јазик им е бугарскиот (1.519)

Како дел од македонскиот етнос, а од непознати причини се попишани во одделна графа, се и 4.174 Торбеши, 148 Горанци и 455 Муслимани-Македонци.

Еврејската заедница во државава денес брои само 66 лица.

Други помали заедници, а кои ги има над 100, се и: 303 – Руси, 294 – Грци, 243 – Словенци, 166 – Украинци, 136 – Германци, 126 – Романци, 110 – Англичани, 103 – Полјаци.

Интересно, 344 граѓани се изјасниле како Југословени.

Бројката на оние кои одбиле да се изјаснат за етничка припадност изнесува 450 жители, а 110 се изјасниле во смисла на регионална припадност.

Ова е точниот број на Македонци кои извадиле бугарски пасоши во последните 15 години

Колку што трае неизвесноста за отпочување на преговорите со ЕУ, толку се зголемува бројот на Македонците што бараат бугарски пасоши. Македонците не ги спречуваше ни короната ни постојаните негирања на нивниот идентитет од страна на официјална Софија, во истото време кога овде политички се зголемуваа патриотските влогови, пишува весникот Независен.

Според податоците на бугарското министерство за правда дадени за агенцијата Бгнес во последните три години нагло се зголемил бројот на Македонците кои станале бугарски државјани. Само во 2020 година, според овие податоци, нивниот број е над 9.000 луѓе, а во 2021 година бил 7.692. Оваа бројка за 2021 е половина од сите 15.167 лица кои минатата година добиле бугарско државјанство.

Во последните 15 години, откако Бугарија е членка на ЕУ, 86.566 Македонци извадиле бугарски пасоши. Тоа е половина од сите граѓани на други држави што добиле што добиле бугарско државјанство – 162.865 лица. Македонските Бугари се повеќе од три пати повеќе од претставниците на следната земја на листата – Молдавија. Во минатата година, сепак малку паднал бројот на оние македонски граѓани што поднеле молби за добивање бугарско државјанство. Нивниот број изнесува 3.447.

Во Молдавија има значајно бугарско малцинство чии претци се преселиле во овој дел на Европа кон крајот на 18. и почетокот на 19. век. Сега има неколку града каде Бугарите таму го сочинуваат мнозинството. Во оваа поранешна советска република има 26.161 жители со бугарски пасоши. И на Украинци се делат бугарски пасоши – досега 14.391.

Политиката на Софија и нејзиното тврдење дека македонското малцинство во Албанија, всушност е бугарско има резулатати – 5.732 албански граѓани добиле бугарски пасоши. И од Србија се стекнуваат со бугарски пасоши – 9.494 нејзини граѓани добиле бугарски пасоши во последните 15 години, главно од регионите на Босилеград и Димитровград. Бугарски пасоши добивале и Руси, Израелци, Турци, Ерменци…