Седумгодишно момче и неговата мајка загинаа откако паднаа во Балтичкото Море додека пловеа на траект од Полска за Шведска Полскиот јавен обвинител ја истражува смртта на мајка и дете на траект како сомнително убиство, изјави официјален претставник за ДПА во саботата.
Седумгодишно момче и неговата мајка загинале откако паднале во Балтичкото Море додека пловеле на траект од Полска за Шведска.
Портпаролката на окружното обвинителство во Гдањск изјави за ДПА дека сега се води истрага за „убиството на детето и самоубиството на мајката“. Таа не соопшти никакви дополнителни детали.
Во петокот, шведското обвинителство исто така соопшти дека отворило прелиминарна истрага за убиството, но дека нема осомничен. Момчето и неговата мајка, двајцата полски државјани, во четвртокот паднале на половина пат меѓу Гдањск во Полска и Карлскрона во јужна Шведска.
Во опсежна операција за спасување, двајцата биле пронајдени во морето по еден час и со хеликоптер биле пренесени во болница, каде подоцна починале. Извештаите се различни за тоа што точно се случило на траектот Стена Спирит.
Шведските спасувачи првично рекоа дека детето прво паднало во водата, а по него скокнала и неговата мајка.
Подоцна, сепак, портпаролката на компанијата Stena Line за полскиот веб-сајт Факт изјави дека материјалот од видео надзорот не ја потврдува оваа верзија на инцидентот.