Денеска на Железничката станица во Скопје се случи несекојдневна сцена кога такси возач, поради непрописно паркирање, се качи на покривот од своето возило за да спречи службата за подигање на возила (пајак) да го однесе автомобилот. Неогвата реакција беше за некого храброст, за некого лудост, но на крајот наместо да плати сума за пајак службата и казна, тој плати само казна од 1.500 денари.
Инцидентот настана откако пајак-службата, во придружба на полиција, пристигна на локацијата за да го отстрани непрописно паркираното возило. Возачот, во обид да ја спречи постапката, се качи на кровот на таксито, изразувајќи јасен став дека нема да дозволи возилото да биде подигнато.
Тој не отстапуваше и кажа дека е подготвен да ја плати само законски пропишаната парична казна од 1.500 денари, без дополнителни трошоци за подигање на возилото.
По кусо договарање со надлежните, му беше изречена само парична казна, а возилото остана на местото на настанот.
