На фотографија објавена од Тетово Сот се гледа лидерот на ДУИ Али Ахмети како седи во дворот на куќа а над него се гледа орманчето за струја.
Според сликата, од орманчето излегува продолжен кабел за кој не може да се даде соодветно објаснување освен тоа што со години се случува во Македонија.
Според правилата на ЕВН никој освен вработените во австриската компанија не смее да има пристап до орманчето за струја во делот каде не се наоѓаат осигурачите туку е сместен сајтот за мерење струја и каде што може да се дојде до бесплатна струја.
Овде јасно се гледа дека кабелот излегува од делот до кој Ахмети или било кој друг корисник на орманчето не смее да има пристап.
Тетово Сот во својот пост повикува на реакција од ЕВН која според законот мора да го провери случајот и да поднесе соодветна пријава за лидерот на ДУИ Али Ахмети или за тој што приклучил кабел во орманчето.
Австриската компанија ЕВН со години се жали дека голем број граѓани влегуваат сами во сандачињата , ги премостуваат жиците за да не плаќаат за потрошената струја.
Штетата од ваквиот криминал се цени на милиони евра годишно.
