“Дали ве напуштила саканата личност? Дали сте несреќни и не можете да најдете љубов? Можеби мислите дека партнерот ве изневерува? Јавите ми се и кажете ми го проблемот и што очекувате од љубовта, а јас ќе ги исполнам твоите најголеми желби со моите моќни љубовни ритуали.. .“, стои во огласот на Фејсбук зад кој се кријат измамници.

Против еден од нив Д.Н.(25) пред три дена беше поднесено обвинение поради сомнение дека во ноември 2020 година од жена од Смедерево одзел злато и пари во вредност од 120.000 динари, ветувајќи и дека ќе ја отстрани црната магија, која како што тврдел, била фрлена кон нејзиниот син.

Се сомнева дека мајката контактирала со него преку оглас на Фејсбук, кога видела објава на „Видовита Маријела“ во која се наведува дека преку ритуали им помагаат на луѓето со проблеми.

И рекле дека нејзиниот син е проколнат

Жена која сакала да му помогне на својот син, кој во последно време чудно се однесувал, бил молчалив и депресивен, со барање помош се обратила кон лицето кое се крие зад огласот, кое и кажало дека „синот е проколнат“?!

– Откако побарала помош, ѝ било кажано дека му била фрлена црна магија и дека поради тоа е во депресија. Лицето кое се криело под името „видовита Маријела“ изјавило дека магијата може да ја отстрани со помош на разни ритуали, но дека оштетената прво треба да ја испрати неговата слика, злато и 600 евра – наведува изворот на „Блиц“.

Измамникот не застанал тука. Наскоро тој побарал од жената повеќе пари.

– Рече дека тоа не се доволно пари и дека треба да се направат уште неколку ритуали за да се отстрани црната магија што му била фрлена на нејзиниот син. Ја замолиле да испрати пари и златен синџир што ќе го осветат во манастир – вели изворот.

Тој посочува и дека оштетената после тоа неколкупати контактирала на сајтот прашувајќи кога ќе биде испратен синџирот, но и што се случува со нивниот договор. После тоа следеле безброј непријатни и вознемирувачки реакции.

– И рекоа да не ги малтретира, дека му помагаат на нејзиниот син и дека им треба време за тоа – наведува изворот.

Обвинителството препорача условна казна

Обвинителството во обвинителниот акт предложи судот да му изрече условна казна на обвинетиот, како и да го осуди на парична казна и да го задолжи да ја врати имотната корист стекната со делото во износ од 120.000 динари.

Кривичното дело измама го прави тој што со намера да прибави противправна парична корист за себе или за друг ќе доведе некого во заблуда со лажно прикажување или прикривање на факти или го држи во заблуда и со тоа ќе го наведе да направи или да не стори нешто на штета на својот или туѓ имот.