Малата Данка (2) попладнево исчезна од дворот на семејната куќа и се уште не е пронајдена, иако стотици луѓе меѓу кои пожарникари и спасувачи трагаат по неа.
Во потрагата учествувале и беспилотни летала со термални камери, пребарана е површина од околу 8 квадратни километри, но детето не било пронајдено.
За прв пат во Србија беше употребен системот „Најди ме“ кога беа прекинати програмите на сите телевизии и се читаше објавата за малата Данка.
Во моментот кога исчезнала, носела црни чевли, виолетови панталони и маслинесто зелена јакна. Косата и е врзана во опавче. Данка одговара на нејзиното име, но се уште не знае да зборува.
Темнината и дождот кој паѓаше им отежнува на спасувачите, а во вакви случаи секоја минута е важна.
„Двегодишно дете нема доволно развиен имунитет, а студот и гладот уште побрзо го погодуваат. Ако не сте доволно добро облечени, ако ви се мокри стапалата, тоа ја отежнува здравствената состојба уште повеќе. Проблемот е што ни двегодишно дете не знае како да постапи во такви ситуации, ако е жедно не знае што да прави, како и каде да пие вода. Ситуацијата е сериозна и секој момент е важен, бидејќи постои опасност од хипотермија, која ги погодува децата побрзо од возрасните. Прашањето е дали знае да се крие и каде, сето тоа е важно. Само се надевам дека се ќе заврши добро“, изјави педијатарот Саша Милиќевиќ.