Во тешка сообраќајна несреќа во Србија загина Владан Ј.(23). Автомобилот што го управувал се излизгал и удрил во цистерна поради врнежи од снег.
Владан загина во тешка сообраќајна несреќа што се случи утринава во Смедерево кога неговиот автомобил „фиат пунто“ се излизгал поради снежни врнежи и удрил во цистерна. Веста дека Владан настрадал ги потресе сите мештани во близина на селото кај Смедерево каде што живеел со своите сестри.
– Не ми се верува дека почина. Беше прекрасно дете, страдаше… Оставен без татко и мајка, со две сестри, работеше, се снаоѓаше како знаеше – вели роднината на убиениот млад човек.
Како што вели соговорникот, животот на Владан бил тежок, проследен со трагедии. Кога бил мал го изгубил својот татко, а неодамна починала и неговата мајка.
– Татко му починал кога имал околу седум години, мајка му починала неодамна. Живееше со две сестри. Работеше во продавница, продаваше овошје и зеленчук, беше вредно момче. Имам само пофални зборови да кажам за него. Ова е огромна трагедија, две сестри останаа сами без брат. Не дај Боже на никого – вели роднина на Владан.
Несреќата се случила утринава околу 6 часот кога автомобилот за кој постои сомневање дека управувал Владан се излизгал и удрил во цистерната поради силно невреме и снег.
Како што е познато, на местото на настанот излегол дежурниот обвинител на Основното јавно обвинителство Смедерево кој извршил увид. Засега не се знае дали младиот човек возел повеќе од дозволеното или ја престигнувал цистерната поради што се излизгал и се судрил со неа.
– На местото на сообраќајната несреќа имаше грозоморни сцени. Загинал на многу опасна кривина каде што досега имало неколку сообраќајни несреќи. Се случуваат и кога е убаво времето, а камоли сега кога има снежна бура – вели извор запознаен со случајот.
Станува збор за стариот смедеревски пат кој води до Белград. Поради обилните врнежи, сообраќајот се одвива отежнато во речиси сите делови на Србија.