Пејачот Здравко Чолиќ во средината на 1980-тите беше бизнисмен, но во Охрид доживеа непријатно искуство, кое цела тогашна Југославија ја потресе.
Здравко Чолиќ во 1987 година беше уапсен во Охрид откако кај него беше пронајдена поголема количина девизи, што во тоа време беше строго забрането. Тогаш тој поминал три дена во Истражен затвор за што досега многу пати е објавено. Чолиќ во детали ја раскажува немилата случка од минатото и како се чувствувал кога со лисици го однеле во притвор.
За тој период од својот живот еднаш зборувал за Недељник.
– Бев еден вид менаџер и човек кој имаше одредени инвестиции во областа на телефонијата. А пошироката јавност дозна дека се занимавам со мал бизнис дури кога ме уапсија во Охрид затоа што кредитните средства ги претворав во девизи. Странска валута беше поевтина за купување во Македонија отколку во Белград и Загреб. Луѓето купуваа девизи во тие албански села. Цело време ме следеа, што правам во Охрид во февруари кога нема концерти и туристи. Ми ги земаат сите девизи. Подоцна Анте Марковиќ воведе легален откуп на девизи ама да чекав осум месеци – тоа апсење немаше да се случи. Но тоа беа чисти пари, немаше црни пари, рекол тогаш Здравко.
Во Охрид поминал три дена во притвор.
– Првиот ден бев во кабинетот на началникот. Ме почитуваа. Вода и плескавица. Потоа ме пратија во хотел да спијам, а наутро доаѓав на разговор. Разговорот трае цел ден од осум наутро до осум навечер.Тоа беше еден вид притвор со толеранција . После три дена истражен судија ме ослободи, да се бранам од слобода. Луѓето на ред го следеа судењето, едни во воведниот говор, па пуштаа други да ја слушнат одбраната, а трета група луѓе доаѓа до обвинението, рекол тогаш Чола.
Кога ќе дојдеа на судење, некои викаа: „Виновен е, осудете го“ други викаа: „Каде го судите овој човек човек, па сите купуваме девизи“, рече Чола.