Срѓан Јанковиќ, осомничениот за убиството на девојчето Данка Илиќ (2), преку адвокатот порачал дека повеќе не сака да се брани со молчење, туку дека ќе зборува за делото, објави рано утрово белградскиот портал „Блиц“ повикувајќи се на свои извори.

Според неофицијални информации на „Блиц“, тој два дена размислувал да даде исказ во Вишото јавно обвинителство во Заечар, а сега конечно ја донел таа одлука.

– Бранителот на осомничениот Срѓан Јанковиќ најави дека осомничениот во наредниот период ќе ја изнесе својата одбрана – изјавија за „Блиц“ од Вишото јавно обвинителство Заечар.

Малото девојче било фрлено на депонија – За потсетување, двегодишната Данка Илиќ исчезна на 26 март во Бањско поле кај Бор, а полицијата по 10 дена потрага и детални проверки на сите индиции и информации ги уапси Срѓан и Дејан од Бор, кои се осомничени дека го удриле девојчето автомобил, а потоа нејзиното тело го ставиле во багажникот од автомобилот и го однеле на депонија. Телото на девојчето се уште не е пронајдено.

Дејан го признал делото– Дејан Драгијевиќ детално го опиша убиството, рече дека телото било фрлено во депонија, а потрагата по Данка беше концентрирана во селото Злот. Пребарувани се депонии, дворот на семејната куќа на Драгијевиќ, шахти и сите места кои би можеле да донесат некаков напредок во потрагата, но засега безуспешно.

Полицијата запленила десетици предмети од куќата на Дејан Драгијевиќ во селото Злот кај Бор, кои би можеле да бидат клучен доказ во истрагата. Исто така, на осомничените им се одземени и двата приватни автомобили кои се испратени на вештачење.

Братот на Дејан, Далибор Драгијевиќ, почина на 7 април во просториите на полициското одделение во Бор за време на притворот. Светлана Драгијевиќ, мајка на Дејан Драгијевиќ, почина на 15 мај во куќата на сосетката.

Ослободен е Радослав Драгијевиќ, кој е осомничен дека му помагал на синот Дејан да го премести телото на двегодишното девојче Данка.

„Досега не се пронајдени биолошки траги на Данка Илиќ“

Како што пишуваше „Блиц“, до Вишото јавно обвинителство во Заечар ги добило резултатите од ДНК-испитувањето кое покажало дека во автомобилот не се пронајдени биолошки траги на Данка Илиќ, за кој се претпоставува дека го користеле осомничените кога удриле во девојчето.

Како што истакна Миодраг Цановиќ, обвинител на Вишото јавно обвинителство, добиените резултати претставуваат само еден дел од вештачењето, бидејќи се испитуваат голем број предмети.

– Ова е резултат на вештачење на делови од работи од службениот автомобил. Пристигнаа само првите неколку вештачења од Националниот центар за криминалистичка форензика, а вештачењето го очекуваме и од Биолошкиот факултет – изјави претходно Цановиќ.