Момче (8) е тешко повредено во српското село Јастребац кај Владичин Хан, кога случајно го прегази неговиот татко Д.Д. (32) со џип БМВ на групната прослава на славата Свети Илија во селото.

Како што објави српски КУРИР, сериозната несреќа се случила во понеделникот наутро, кога таткото се обидел да се паркира на ливадата која служела како импровизиран паркинг за луѓето што дошле на прославата околу Храмот на Светиот пророк Илија.

Тој не го видел

– Момчето клекнало зад џипот за да ја врзе врвката на патиките и во тој момент неговиот татко тргнал со автомобилот и го прегазил. Тој не го видел детето зад автомобилот. Детето со сериозни повреди, опасни по живот, итно е префрлено во Нишкиот клинички центар, каде лекарите се борат да го спасат. Првиот преглед утврди дека неговите ребра се скршени од двете страни, повредени се белите дробови и ткивото на белите дробови, а има и повреди на главата, вели изворот на Курир.

Соговорникот наведува дека полицијата извршила истрага на местото на несреќата.

– Таткото не беше приведен бидејќи евидентно е дека немал намера да го згази сопственото дете. Несреќниот човек е надвор од себе. Тој беше видно потресен по несреќата, држејќи ја главата, тоа беше една мачна сцена. Од развојот на ситуацијата, односно здравјето на детето зависи какви чекори ќе превземе во иднина надлежното обвинителство.

Жителите на Јастребац вчера беа видно потресени од несреќата.

– Станува збор за семејство од друго село, кое дојде на прославата на празникот и на панаѓурот. Несреќата се случи точно на денот кога обновениот Храм на Светиот пророк Илија во нашето село беше осветен на голем празник, велат локалните жители:

– Мојот внук истрча од селото и видно вознемирен рече дека детето е прегазено, дека виделе само кога веќе било под автомобилот. Како што рече, малото момче било потполно бледо, не знаеле ни дали е живо. Очевидци врескале, а несреќното дете веднаш било пренесено во болницата во Ниш. Целото село плачеше поради оваа трагедија.

Соговорниците имаат само пофални зборови, и за момчето и за неговиот татко Д. Д.

– Кутар човек, што дочека! Тие се прекрасно семејство, одат насекаде со своите деца, навистина се грижат и не се арогантни. Се молиме на Бога да преживее малото дете. Се надеваме дека ќе успее да ги надмине повредите, ние сме со него со целото срце, рекоа локалните жители на Јастребац.

Од болницата во Ниш велат дека детето е на Клиниката за торакална хирургија.

– Момчето е во несвест, на механичка вентилација, но повремено се буди. Тој се здоби со скршени ребра, оштетено ткиво на белите дробови, повреда на карлицата, како и повреда на главата. Се очекува да биде префрлен на Клиниката за детска хирургија, изјавиле од болницата.

Реставрација на светилиштето: Црквата е реконструирана

Храмот на Светиот пророк Илија бил изграден во 1936 година, а ѕвоното според натписот го донирал кралот Александар I Караѓорѓевиќ уште во 1934 година. За реновирање на црквата се пишуваше веќе неколку години, а акцијата е иницирана од локалното население.

– Црквата беше реконструирана оваа година. На денот на Свети Илија, 2 август, се одржа свеченост, рекоа жителите на Јастребац.

Сличен случај: Гостин прегази дете на прослава

Слична несреќа се случи во април годинава во Пожаревац за време на една прослава за полнолетство. Имено, младиот Стефан М., бил гостин на забавата, го прегазил момчето Александар Бачалановиќ (5) додека го паркирал „мерцедесот“.

– Стефан дојде да го прослави полнолетството на вујкото на момчето. Кога сакаше да паркира, малото момче влезе во мртов агол и тој го прегази. Несреќното дете им подлегна на повредите, а Стефан М. беше уапсен и извесно време беше во притвор, се сеќава извор во изјава за српски Курир.