Шокантно видео го покажува моментот кога питон долг 5 метри се лизга низ покривот на семеен дом во Австралија, додека семејството ужива во ручекот.
Видеото собра повеќе од 12 милиони прегледи на TikTok, додека следбениците не трепнуваат гледајќи како огромниот рептил ползи низ покривот на куќата и ја става главата на дрво. Потоа се движи додека не го напушти покривот на куќата и не исчезне во дрвјата.
„Само во Австралија ќе видите змија долга 5 метри во предградијата“, стои во описот на видеото кое е снимено во Квинсленд.
На снимката се гледа како масивниот питон спектакуларно се лизга од покривот на една куќа. Во еден момент змијата ја вади главата од дрвото и погледнува стаписувајќи ги сите.
– Ужасно е нели?, се вели во еден коментар.
„Како ќе се ослободиме од него?“, се прашува едно дете, а една жена му одговара: „Нема да се ослободиме од него“.
Експертите ги предупредуваат луѓето да не се приближуваат премногу до овие влекачи бидејќи, иако вообичаено не се опасни за луѓето, тие ќе нападнат ако се чувствуваат загрозени. „Питоните од овој вид имаат од 80 до 100 мали заби, но поголем може да предизвика штета доколку приклешти човек“.