Татко (54) и тројца сина (22, 25, 28), по потекло од Северна Македонија, се уапсени по престрелка со граѓани на БиХ во виенски Флорисдорф, јавуваат босанските медиуми. Босанските граѓани се ранети во таа пресметка и биле пренесени во болница. Со босанските државјани бил и Иранец, кој исто така бил ранет.
Како што пренесуваат медиумите, тројцата ранети Босанци се на возраст од 22, 26 и 27 години и наводно се браќа или се во блиско сродство. Сите повредени се надвор од животна опасност. Иако првично беше објавено дека се уапсени четворица државјани на БиХ, приказната во меѓувреме доби поинаков тек откако полицијата подетално го истражи конфликтот.
Според првите резултати од истрагата, пукањето се случило по тепачка на улица поради долготрајни расправии меѓу овие две семејства. Наводно, се дознало дека мотивот за пукањето е всушност жена, односно конфликт за жена, изјави портпаролот на полицијата Маркус Дитрих. Како што пренесуваат медиумите, на социјалните мрежи наводно претходно се разговарало за спорот меѓу двете семејства.
Инаку, сторителите се фатени во близина на местото на настанот само 90 минути по пукањето. Во големата бркотница учествуваше и австриската Кобра. Осомничените побегнале со два автомобили кои биле паркирани во близина на зградата во Флоридсдорф.
„Ова овозможи да се добијат информации кои довеле до локацијата на осомничените сторители“, изјавил портпаролот на полицијата Маркус Дитрих, пренесува Независне.