Во очи 37-то издание на “Фолк Фест Валандово”, почина основоположникот на фестивалот Костадин Костадиновски. Тој беше основач и идеен творец на Еврофест, а меѓудругото во македонската јавност беше познат композитор, музичар, текстописец.
Костадиновски дипломирал на Факултетот за музичка уметност во Белград.
Работниот век го поминал како музички уредник и директор за музика во Македонската радио-телевизија.
Објавил над 5.000 критики, автор е на неколку стручни книги, меѓу кои монографија за Трајко Прокопиев и „Од блузот до музичката авангарда“, творец на пет фестивали и композитор на педесетина естрадни песни.
