Телото на Љубомир Трниќ (45) од Сремска Митровица, чија трага беше изгубена по 19 часот во четвртокот и беше посочен како исчезнат, денеска е пронајдено во багажникот на автомобил „голф“ во населбата Камењар.
Како што претходно неговата сопруга изјави за медиумите, последен пат се слушнале во четвртокот, кога Љубомир бил во продавница во населбата Камењар во Сремска Митровица.
Несреќниот маж остави три деца – најстарото има 10 години, средното 6, а бебето 13,5 месеци.
Сопругата на Љубомир се прости од својот покоен сопруг со тажна и емотивна порака.
– Ја нема веќе мојата поддршка, го нема ниту таткото на моите деца… Те сакам Љубомир Трниќ… Мојот свет пропадна, напиша таа на својот профил на Фејсбук.
Телото е пронајдено завиткано во тепих во багажникот, пишува „Новости“.
Во моментов неколку лица се задржани на информативен разговор, а полицијата трага по мажот и жената кои последен пат биле видени со Љубомир.
Полицијата упаднала во станот на осомничената женска личност, но во неа никој не бил пронајден, истрагата е во тек.
Пред да се изгуби трагата, Љубомир бил на црвен велосипед и во друштво на еден маж и една жена.