Тело во напреднас фаза на распаѓање било пронајдено како плута во морската област Скиниас во Маратон денеска околу пладне и веднаш била алармирана крајбрежната стража.
Граѓанин го забележал телото во морската област Скиниас во Маратон, кој ги известил надлежните. Крајбрежната стража веднаш била мобилизирана и брзо стигнала во областа, по што го извлекла телото.
Според информации, телото пловело на 100 метри од брегот додека на ногата бил врзан диск за кревање тежина од 10 килограми!
Телото на несреќниот маж со возило на брза помош било пренесено во атинската форензичка служба. Се очекува вештачењето да ги расветли точните причини за смртта.
Според грчките медиуми, телото било во море повеќе од 5 дена.