Дваесет и едногодишна девојка е тешко повредена откако паднала од мотор на патот кон црквата „Св.Јоаким Осоговски“.

„Вчера во 18.00 часот во Полициската станица Крива Паланка било пријавено дека на локалниот пат кон манастирот „Св.Јоаким Осоговски“, К.Д.(21) од Крива Паланка, управувајќи мопед со кривопаланечки регистарски ознаки, изгубила контрола и излетала надвор од патот. Во несреќата со тешки телесни повреди се здобила К.Д., констатирани во Градската општа болница Куманово“, инфомираат од МВР.

Извршен бил увид од увидна екипа од ОВР Крива Паланка.