Трагедијата во Бугарија добива страшни размери: 20 годишна девојка е во состојба „неспоива со животот“, го нема и 22 годишниот син на сопственикот

Еден од повредените им подлегна на повредите по експлозиите во магацините за огномет кај Елин Пелин, изјави за новинарите вршителот на должноста министер за внатрешни работи Калин Стојанов.

– За жал, има лице кое почина по вчерашните експлозии во магацини за огномети кај Елин Пелин. Станува збор за 49-годишниот маж кој бил сместен во „Пирогов“, кој имал 35 отсто изгореници, изјави Калин Стојанов.

Министерот за внатрешни работи истакна дека лекарите се борат за животот на 20-годишната ќерка на починатиот, која има 85 отсто изгореници и според лекарите е во состојба „неспоива со животот“.

Според Стојанов, во магацините има уште две лица – 60-годишен маж и синот на сопственикот, кој има 22 години и се водат како исчезнати.