Околу 20.15 часот на обиколницата Турањска во Карловац се случи тешка сообраќајна несреќа. Две лица загинаа, а три лица со Брза помош се пренесени во болница, објавуваат хрватските медиуми.
– Неофицијално дознаваме дека поранешниот хрватски фудбалски репрезентативец Никола Покривач (39) загинал во несреќата, објавија хрватските медиуми пред малку.
Покривач забележа 15 настапи за хрватската репрезентација, а Славен Билиќ го однесе на Европското првенство во 2008. Кариерата ја започна во Вартекс, а меѓу другите играше и за Динамо, Монако, РБ Салцбург и Риека.
Градоначалникот на општина Војниќ, Небојша Андриќ, за РТЛ потврди дека фудбалер на НК Војниќ починал, а тројца други играчи се повредени, од кои двајца се борат за живот.
Инаку, се судриле четири патнички автомобили. Сообраќајот на обиколницата е затворен и се пренасочува долж Д1 преку областа Турањ.
