Заменик државниот општински обвинител на Славонски Брод, Славко Прањиќ спроведе истрага на местото на несреќата каде утрово загинаа 10 лица, а 45 се во болница, од кои 8 во тешка состојба.

– Според досега утврдените факти, автобусот патувал од Франкфурт до Приштина. Истиот е во сопственост на сообраќајниот превозник Дева Турс со седиште во Приштина, рече Прањиќ.

– Возачот на автобусот беше пронајден на местото на настанот, во меѓувреме беше уапсен. Извршена е истрага, се преземаат други доказни активности за покренување кривична постапка, рече Прањиќ.

– Досега имаме информации дека има 10 загинати и 23 лица кои се тешко или полесно повредени, рече тој.

– Возачот беше уапсен под сомнение дека управувал моторно возило на начин што се движел неправилно, тој не бил во сообраќајната лента, по што излетал. Не можеме да зборуваме за причините за излетувањето, додаде Прањиќ.

– Возачот изјави дека заспал за момент, но тоа ќе го утврдиме подоцна, додаде Прањиќ.