Поранешниот американски претседател и се обрати на јавноста од истата салата за настани и прес конференции во неговиот дом во Мар-а-Лаго, по сослушувањето кое ги разбранува стратите на јавноста.
Трамп е обвинет дека и платил на порно ѕвездата Сторми Даниелс во 2016 година да молчи за нивната љубовна романса кја се случила пред претседателските избори, а која тогаш би можела да го попречи неговото влегување во Белата куќа. Порно ѕвездата Даниелс рече дека тајкунот ѝ платил 130.000 долари за молчењето. Трамп ги отфрла обвинувањата и тврди дека тие се политички мотивирани.
Бизнисменот е обвинет за поткуп на порно актерката Сторми Даниелс, а тоа може да го чини Трамп затворска казна. Сепак, ова не завршува тука бидејќи има уште една жена која сега го обвинува поранешниот претседател на САД, а станува збор за поранешната манекенка на Плејбој, Карен Мекдугал.
Карен Мекдугал тврди дека и таа имала вонбрачна врска со Трамп помеѓу 2006 и 2007 година. Во 2016, убавицата ја раскажала ексклузивно својата приказна со Трамп за весникот Енквајер, но на крајот не била објавена по ургенција на Трамп врз уредништвото.
Сепак, за да ја замолчи, Трамп ѝ платил 150.000 долари, односно повеќе од сумата која ѝ ја исплатил на љубовницата Сторми.