Украинските воени претставници тврдат дека 5.710 руски војници биле убиени во првите пет дена од жестоките борби во Украина, објави во вторникот Би-Би-Си.
Портпаролот на Генералштабот на Украина изјави дека украинските сили заробиле повеќе од 200 руски војници во видео порака објавена на Фејсбук.
Официјалниот претставник тврди дека се уништени 198 руски тенкови, 29 авиони, 846 оклопни возила и 29 хеликоптери.
Би-Би-Си не можеше самостојно да ги потврди наводите, но британското Министерство за одбрана смета дека силите на Москва претрпеле големи загуби.
Официјални лица од Москва во неделата беа принудени да признаат дека има мртви во нивните редови, откако неколку дена тврдеа дека нема загинати руски војници.
Рускиот министер за одбрана Сергеј Шојгу изјави дека Русија ќе продолжи со воената операција во Украина додека не ги постигне своите цели, објави во вторникот новинската агенција Интерфакс.
Шојгу рече дека главната цел на Москва е да се заштити од заканите од Западот и тврдењата дека Русија не ја окупира украинската територија.