Двајца малолетници од Битола со закани дека ќе објават компромитирачки видео материјали, принудувале две врснички сексуално да ги задоволуваат. Случајот во битолската полиција вчера го пријавила мајката на едното малолетно девојче, а во консултација со јавен обвинител се преземаат мерки за расчистување на настанот, соопштија од СВР Битола.
„На 28.03.2025 во 14.10 часот во СВР Битола, 37- годишна жена од Битола пријавила дека двајца малолетници од Битола во неколку наврати со закана ги принудувале нејзината ќерка и нејзина другарка полово да ги задоволуваат за што поседувале и видео материјал.“, се наведува во соопштението од СВР Битола.
Сличен настан ја згрози и велешката јавност. Како што пишува порталот СДК, основци од Велес помали од 15 години, со мобилните телефони, снимиле експлицитно сексуално видео со дете на истата возраст, а потоа го уценувале.
Од велешкото обвинителство го истражуваат настанот. Известен е Центарот за социјални работи во Велес за да преземе соодветни дејствија, а за еден малолетник поведенеа е постапка и до Судија за деца во Основниот суд.
ОЈО предложи мерка за згрижување во воспитна установа додека трае постапката.