Таа е единствената министерка која нема мандат, миленичката на македонската публика, генијална актерка, дрска стенд – ап комичарка, одличен вокал, беспрекорен водител и Бејби Мама на три кучиња и две прекрасни дечиња Кирил и Мина.
Токму таа беше гостинка во четвртата епизодааа на „Галама шоу“, каде меѓудругото зборуваа за турбофолкот, а Весна е противник на турбофолкот, шундот и кичот.
– Мислам дека, ти си направил една емисија каде што има бенд, има бина, можеш да викнеш музички артисти, Гени ти е на миксета, ние имаме потенцијал да направиме исто музичко шоу. Јас не знам што се случува со тоа што мора да бидеме приморани да се откупат Sвездите на Гранд, каде што најмалку ги гледаш пејачите, морам да ти признаам дека ова мораш да го гледаш, за да можеш да зборуваш. Не зборувам јас напамет, повеќе ги гледаш тие непристојни коментари кои што се насилни, тие се насилници, тие од Sвезде Гранда се насилници, целото жири кое помина од Карлеуша, и сите останати тие се насилни, не мислат на децата кои пеат, рече Весна.