Најмалку 12 лица загинаа, а тројца се повредени во експлозија во фабрика за експлозиви во турската провинција Баликешир, изјави гувернерот на провинцијата Исмаил Устаоглу.

Устаоглу изјави дека повредените се во добра состојба и дека точно се утврдува колку луѓе имало во фабриката во моментот на експлозијата.

Тој изјави дека е исклучена можноста за саботажа и дека е урнат дел од фабриката, јави Анадолија.

Во фабриката веднаш биле испратени екипи за итна помош и противпожарна заштита.

Експлозијата се случила во делот на фабриката за производство на капсули од непозната причина.