Во страшниот пожар во дискотеката Пулс во Кочани загинаа 59 лица, меѓу кои и фронтменот на групата ДНК, Андреј Ѓорѓиески.
Во оваа несреќа животот го загубија и другите членови на групата додека пак Владимир Блажев попознат како Панчо, пратеничкиот вокал Ана Костадиновска и гитаристот Горан Тонев се единствените кои преживеаа.
Моментално на телевизиите низ Македонија се повторуваат нивните последни интервјуа, а во едно од нив и се открива и како настанала песната „Ако утре ме нема“.
Како што велат тие во емисијата „Еден на еден“, песната е напишана од страна на Панчо.
На прашањето што го има инспирирано, Андреј вели „животот“ додека пак Панчо открива дека идејата му дошла оддамна, но чекале право време.
„Оддамна, идејата и темата ми се многу оддамна, само чекавме момент тоа да, не сакавме да го направиме шунт и кич, него и Џамбо кога го викнавме само неговиот дел е тоа што се Џамбовци, они свират иначе маријачи, ја слушате трубата како звучи и е, фактички гитарите се Џипси кинг, нема ништо тука што е она шунт, што е балканско и такви работи, и самата мелодиска линија е тотално различна. Затоа ние можеби чекавме да дојде вистински момент да ја направиме, и не добивме ниту една негативна критика, Лазе се плашеше да не почнат… ама можеби во последниве години не сме добиле попозитивни критики од повозрасни луѓе, од 35 нагоре“, вели Панчо.