Во Основниот кривичен суд беше објавена пресудата за случајот „Софтвери“, во кој обвинети се Драги Рашковски и шест други лица. Судот одлучи дека обвинетите Драги Рашковски, Маја Силјановска, Ивица Димитровски, Даниел Станчев, Ирена Ивановска, Игор Христов и Игор Ивановски се виновни.
Рашковски доби осум години затвор. Рашковски се осудува на казна затвор во траење од седум години за злоупотреба на службената положба и овластување, а за перење пари 18 месеци, па Судот го осуди на единствена казна затвор во траење од 8 години. Пресудата ја изрече судијката Фанка Јанчулева Михаиловска од Основниот кривичен суд Скопје и со неа ги огласи обвинетите за виновни. Останатите добија казни затвор од 3 до 5 години.
Ивица Димитровски 5 години, Игор Христов 5 години и 6 месеци, Даниел Станчев 4 години, Ирена Ивановска 3 год и 6 месеци, Игор Ивановски 3 години, Маја Силјаноска 3 години.
Според обвинителниот акт, првообвинетиот, Драги Рашковски, не ги извршил службените должности при спроведување на четири постапки за јавна набавка за систем за биометриска идентификација, јавна набавка на софтвер за определување на просечна брзина на возила во сообраќајот и изрекување на казни, набавка на АНПР камери за препознавање на регистарски таблички за возила и јавна набавка на метални кабини за потребите на системот на биометриска идентификација и систем за автоматско препознавање на регистарски таблици.
Случајот го води судијката Фанка Јанчулева Михаиловска, а застапник на обвинението е обвинителката Ивана Трајчева.