Еден од водечките светски балетани Владимир Шкљаров почина на 39 години, објави театарот „Марински“ во Санкт Петербург, каде што беше првенец. Руските медиуми објавија дека федералните власти ја истражуваат неговата смрт откако тој паднал од петтиот кат на зграда во Санкт Петербург додека бил под дејство на лекови против болки.

Неговата портпаролка Ана Касаткина изјави дека Шкљаров требало да оди на операција на рбетот оваа недела.

„Ова е огромна загуба не само за нашиот театар, туку и за целиот современ балет. Тој беше исклучителен уметник кој инспирираше фанови низ целиот свет“, објави „Марински“.

Шкљаров беше женет за балеринта Марија Шкљарова, со која доби две деца.

RUSSIA, MOSCOW – FEBRUARY 5, 2024: Mariinsky Theatre principal dancer Vladimir Shklyarov performs during the ballet show My Father Maris Liepa by Russian ballet dancer Ilze Liepa at Moscow s Stanislavsky and Nemirovich-Danchenko Music Theatre. Artyom Geodakyan/TASS PUBLICATIONxINxGERxAUTxONLY 67038139

Роден во тогашниот Ленинград, Шкљаров дипломирал на престижната руска балетска академија „Ваганова“ во 2003 и истата година станал член на „Марински“, каде што бил првенец од 2011. Меѓу сцените на кои што настапувал се Кралската опера во Лондон и операта Метрополитен во Њујорк. Во 2020 го доби признанието Почесен уметник на Русија.