Боксерскиот меч меѓу Џејк Пол и Ентони Џошуа беше прекинат со нокаут во шестата рунда, по што Пол беше опериран поради скршена вилица. Сепак, поранешниот шампион на УФЦ, Алџамејн Стерлинг, изрази сомнежи за регуларноста на борбата.
Стерлинг ја пофали храброста на Пол, но истакна дека Џошуа, како двократен шампион и врвен боксер, не изгледаше како да се бори сериозно.
– Се чинеше како да си игра со храната, а публиката го прифати тоа – рече Стерлинг.
Тој додаде дека е невозможно на Џошуа да му треба толку многу време за нокаут против некој што неодамна влегол во професионалниот бокс и верува дека мечот можел да биде договорен однапред за Пол да изгледа подобро во рингот.
– Морам да се запрашам дали имало намера Пол да се „носи“ до одредена рунда поради забава и обложување – заклучи Стерлинг.