Сплитскиот претприемач Јурослав Буљубашиќ почина на 63-годишна возраст во болница во Сардинија како последица на мозочен удар, објавено е во четвртокот на неговата Фејсбук страница.

Буљубашиќ почина во четвртокот наутро во болницата Сасари, откако му се слошило еден ден претходно во Сардинија, каде што бил со семејството на својот брод, јави Хина.

Буљубашиќ, кој важеше за еден од најбогатите Хрвати, ја започна својата кариера во средината на 80-тите години со основањето на компанијата SEM (Split Elektromont) за монтажа на телефонски табли и уреди.

Важеше за една од најуспешните хрватски приватни бродски компании. Започнал да работи со патнички бродови во раните 90-ти, а во 1993 година ги поврзал Сплит и Анкона. Подоцна, неговите поголеми бродови пловеле по прекуокеански патишта.

Тој беше сопственик на два хотели, туристичка агенција и беше еден од основачите на Сплит-Далматин банка. Тој е и првиот Хрват кој ја плати резервацијата за првиот комерцијален лет во орбитата на Земјата.

На јавноста и е познато дека тој бил во добри односи со поранешниот јавен обвинител Младен Бајиќ и поранешниот премиер Иво Санадер, кој заплови на неговата 18-метарска јахта „Мало витра“ откако поднесе оставка на премиерската функција.