Македонскиот фудбалски репрезентативец, Енис Барди доби четиримесечна затворска казна од судот во Валенсија поради покажување на лажна возачка дозвола.
Барди го признал делото, се покајал, па бидејќи му е прва затворска казна таа ќе биде заменета со две години условна санкција, па нашиот фудбалер нема да оди зад решетки. Доколку во период од тие две години направи друго кривично дело, ќе треба да оди во затвор.
Барди пред помалку од една година беше запрен од сообраќајната полиција во Валенсија при што му побарале документација за автомобилот Порше Панамера и возачка дозвола.
Барди покажал македонска возачка дозвола, но таа била фалсификат, тој никогаш немал положено за автомобил.