Неименувана жена (36), која се фрли од 4-ти кат од зграда во укринскиот град Харков откако во средата го задави својот двегодишен син, на полицијата и објаснила зошто го убила детето, а потоа се обидела да си го одземе животот.
Жената која го преживеала падот од голема височина рекла дека го задавила детето и скокнала бидејќи дознала дека боледува од тешка болест. Како што рече, не гледала друг излез од целата ситуација, со оглед на тоа што е самохрана мајка, па се плашела да нема кој да се грижи за нејзиниот син.
Обвинителството соопшти дека жената немала историја на психијатриски заболувања и изјавила дека во станот живеела со нејзиниот син и нејзиниот татко (66).
Украинските медиуми пишуваат дека во станот во моментот на трагедијата бил дедото на децата, но дека не слушнал што се случува. Против мајката е покренато обвинение за убиството на детето, а доколку биде осудена и се заканува затворска казна до 15 години.
Светлана Горбунова Рубан, заменик градоначалник, рече дека постои сомневање дека можеби сторила кривично дело под дејство на дрога. Во ова семејство никогаш досега немало пријави за насилство.
Кобниот ден мајката го завиткала ременот за бањарка околу вратот на бебето и го задавила. После тоа се фрлила од прозорецот на станот од 4-ти кат.
Според првичните информации, по обидот за самоубиство, таа извесно време била во несвест, а потоа се освестила и повикала полиција да ја извести каде се наоѓа и дека пред неколку часа го убила својот двегодишен син.
Органите на редот во моментов немаат информации за точната дијагноза. Сè што се знае за наводната неизлечива болест на детето е од зборовите на самата жена.
Во моментов таа е во болница и била подложена на неколку операции.