Хирург во тегла изнел дел од телото на починат пациент кој го оперирал? Шокантен случај ја тресе Црна Гора!

Според неофицијални информации, васкуларниот хирург пред дваесетина дена оперирал пациент кој по неколку дена починал. Полицијата во Подгорица извршила претрес во хируршките простории на Клиничкиот центар по пријава од семејството на починатиот дека васкуларниот хирург Н.Ф., прикрил докази, односно неовластено изнесол делови од човечко тело од установата.

Од Клиничкиот центар официјално потврдија дека полицијата води истрага, а на повиците не одговарал васкуларниот хирург Н.Ф. Повеќе извори неофицијално објавија дека вчераутрото во складиштето на ординацијата била пронајдена тегла во која, како што се претпоставува, се наоѓл дел од абдоминалната аорта, која Н.Ф, како што тврди семејството на починатиот, претходно ја имал земено од таа здравствена установа.

Оваа информација вчера неофицијално ја потврдија од повеќе извори во Полициската управа, но и од Клиничкиот центар. Основното државно обвинителство, според неофицијални информации, вчера дало наредба пронајдениот материјал да се испрати на вештачење.

Семејството на починатиот го обвинува хирургот за прикривање докази, на делови од телото на починатиот, како и за несовесно лекување со смртен исход. Од Клиничкиот центар и официјално потврдија дека полицијата ја истражува пријавата. Сепак, не прецизираа против кого.

„Потврдуваме дека полицијата извршила истрага согласно пријавата што ја имала и целосно соработуваме како и секогаш со сите државни органи. Клиничкиот центар на Црна Гора ќе ги координира своите дејствија со резултатите од истрагата што ја спроведува полицијата без да ги прејудицира“, соопштија од институцијата. Според неофицијални информации, васкуларниот хирург пред дваесетина дена оперирал пациент кој по неколку дена починал.

Член од семејството на починатиот пред неколку дена наводно забележал тегла со дел од човечко тело на која го пишувало името и презимето на починатиот. Потоа семејството поднесе пријава за прикривање докази, па полицијата по наредба на Основното државно обвинителство извршила претрес во приватната ординација во која работи Н.Ф., во просториите на Клиничкиот центар и го испрашала медицинскиот персонал.