Цела естрада остана шокирана од веста дека Маринко Роквиќ ненадејно почина на 68-годишна возраст, бидејќи никој не ни знаеше дека е тешко болен.

Маринко инаку бил силен и подготвен да се справи со сите неволји во животот, па сопругата и синовите ја почитувале неговата одлука и никому не кажале за болеста. Во ноември минатата година, Маринко итно беше опериран поради циста на стомакот, но тогаш лекарите откриле дека пејачот боледува и од рак на панкреасот и прогнозата на почетокот била лоша.

Дополнително, Роквиќ претходните месеци се борел и со тешка бактерија која ја стекнал при лекување на ракот, што дополнително му ја влошило здравствената состојба, а потоа се појавиле метастази. Маринко не сакал да оди на лекување во болница, туку цело време лежел во семејниот дом, а за него се грижела сопругата Славица, која инаку е медицински работник. Во саботата наутро Маринко почина на рацете на сопругата во нивната куќа на Кошутњак. Неговите синови беа обземени од стрес и тага, но Никола сепак најде сила да и се обрати на јавноста.

– Што да ви кажам… Тешко ни е, немам зборови. Се надевам дека ја разбирате нашата тага, болка и радост што имавме таков татко кој ни покажа многу работи, особено во последната година додека се бореше со ракот. Покажа храброст и херојство, беше голем херој, изјави постариот син на Маринко.

Никола направил се што можел за да го спаси татка си и двајцата нашле голема утеха во верата и посетата на чудотворните манастири.

– Последниве години Никола стана голем верник, што го прифати од својот татко. Тие имаат свој свештеник и често ги посетувале манастирите низ Србија. Се почитуваше секој пост и сите верски празници се празнуваа по протокол. Кога Маринко пред година и пол дознал дека има тумор, Никола им предложил да одат во манастирот Свети Нектариј на Егина во Грција. Верниците знаат дека чудотворниот Нектариј на многумина им помогнал да ги надминат тешките болести бидејќи го сметаат за голем исцелител. Маринко беше во тој манастир на почетокот на минатата година и знам дека се чувствуваше многу подобро кога се врати. И оваа година сакал да оди во манастирот Свети Нектариј, но поради бактеријата која уште повеќе му ја отежнувала состојбата, не смеел да патува, открива извор близок до семејството Роквиќ.

Инаку, пријателите велат дека Маринко предвидел дека му се ближи крајот, па неодамна снимил песна со симболичен наслов „Таа ноќ кога ќе умрам, кога ќе се вратат старите љубови, таа ноќ нека ме испратат со нејзината песна“.8

Песната се уште не е објавена, но семејството ќе ја објави кога ќе дојде вистинскиот момент.