Полицијата на Словачка на својот официјален фејсбук-профил објави приказна за 11-годишно момче од Запорожје кое бегајќи од војната успеало да ја напушти Украина без никаква придружба.
„Со една пластична кеса, пасош и испишан телефонски број на раката пристигна сосема сам, бидејќи родителите морале да останат“, пишува во објавата.
Волонтерите веднаш се погрижиле за него, го однеле на топло и му обезбедиле храна и пијалоци кои му ги спакувале за по пат.
„Сите ги освои со насмевката, храброста и одлучноста, особини достојни за вистински херој“, велат словенечките власти.
Благодарение на бројот испишан на раката, веднаш биле контактирани роднините на момчето и истото е згрижено кај нив.
Според податоците на Обединетите нации, изминатите десет дена од Украина побегнале повеќе од 1,5 милиони луѓе.
📷
📷
📷
📷
📷
