На 10.11.2024 во 10.30 часот во Полициската станица Пробиштип било пријавено дека на регионалниот пат Р-1205, кај Пробиштип, се случила сообраќајна несреќа помеѓу патничко возило „матиз“ со кратовски регистарски ознаки, управувано од Г.Т.(63) од Кратово и трактор „махиндра“ со пробиштипски регистарски ознаки, управуван од С.Н.(52).

Во несреќата со тешки телесни повреди се здобила сопатничката од патничкото возило „матиз“ М.Т.(61) од Кратово, а со телесни повреди возачот Г.Т., констатирани во Клиничката болница Штип, информираа од полицијата.

За потсетување дека на патниот правец Кратово – Пробиштип утрово имаше наноси на снег, по што истиот беше затворен за сообраќај за тешки моторни возила, а четири часа подоцна отворен за сите видови возила.