Горан Џониќ (52), осомничен за бруталната ликвидација на неговите роднини, семејството Ѓокиќ од Алексинац, кога бил уапсен се обидел да им намести криминал на неговите синови, ексклузивно дознава „Блиц“.

– Како што дознаваме, кога бил уапсен и испрашуван Џониќ, кој е осомничен за киднапирање, а потоа и уб ивање на Гордана, Горан и нивната ќерка Лидија Ѓокиќ со пиштол, се обидел да се спаси со тоа што ги обвинил двата сина за злосторството, објави „Блиц“.

Џониќ е пензиониран пожарникар и има два сина, едниот работи како пожарникар, а другиот е вработен во Војската на Србија.

Откако ги обвинил неговите двајца синови за страшното кривично дело, полицијата ги испрашувала на полиграф нив и сопругата на Горан.

– Како што дознаваме, сите го поминале полиграфот. Сопругата на Џониќ е шокирана од сомнежот дека нејзиниот сопруг ги убил неговите роднини, но и од тоа што се обидел да им го препише злосторството на своите деца, пишува „Блиц“.

Да потсетиме, Горан Џониќ (52) е осомничен дека кобната ноќ со жолт скутер ги пресретнал своите братучеди, семејството Ѓокиќ, Горан, Гордана и Лидија. Имено, се сомнева дека на кобниот 26 септември, околу полноќ, кога се враќале од Моравац во својата куќа во Алексинац, Џониќ ги пресретнал своите братучеди Ѓокиќ. Засега не е познато како точно ги намамил да го следат до оддалечен дел во атарот на селото Моравац или под закана со пиштол ги однел таму. На таа локација се сомнева дека со истрели ги убил сите тројца, а потоа им ги запалил телата!

Како што дознава „Блиц“, убиството е извршено на крајно брутален начин, така што Гордана Ѓокиќ била убиена прва со два истрели – едниот во градите, а другиот во главата, додека тоа го гледале нејзината ќерка Лидија и сопругот Горан. Втора била ликвидирана Лидија и дури на крајот бил убиен Горан Ѓокиќ.

Откако ги убил, постои сомневање дека нивниот братучед ги полил телата на семејството Ѓокиќ со бензин, кој претходно го донел и го подготвил таму, а потоа ги запалил. Кога телата изгореле речиси непрепознатливо, тој ги влечел до грмушките, ги покрил со гранки и ги оставил таму.

После тоа нивниот автомобил го оддалечил на околу 10 километри, каде што го запалил за да уништи секаква трага, а како што ексклузивно дознава „Блиц“, на истото место го запалил својот жолт скутер, со кој тргнал да изврши криминал без преседан!

Да потсетиме, осомничените и жртвите биле многу блиски и се познавале цел живот, никогаш немале проблеми меѓу себе. Џониќ живеел само четири куќи од семејството Ѓокиќ.

Осомничениот е пензиониран пожарникар, има жена и два сина. Еден од неговите синови е пожарникар, како и тој, додека другиот син е припадник на војската на Србија, дознава „Блиц“.

Според неофицијални информации, Џониќ често го перел автомобилот на Горан, затоа што Ѓокиќ немал доверба во пералниците, се поради сефовите што ги чувал во автомобилот. Така Џониќ знаел каде Ѓокиќ ги крие парите.

Сомнежите се дека Горан Џониќ однапред испланирал се, го подготвил маслото, нашол дупка каде ќе ги закопал телата, ги однел таму, ги убил и ги запалил.

Министерот Александар Вулин денеска нагласи и дека е пронајдена значителна сума пари на убиеното семејство, а во просториите, односно на имотот што го користел осомничениот, пронајдени се и други предмети кои, без сомнение, биле дел од овој страшен чин,

На осомничениот му е одредена и мерка притвор по наредба на Вишото јавно обвинителство Ниш, до 48 часа, поради постоење основи на сомнение дека учествувал во извршување на кривично дело тешко убиство.