Утрово околу 8.30 часот, загрепските пожарникари добиле пријава дека мора да ја затворат водата на оштетен надземен хидрант. Поради состојбата на возачот морала да реагира и Брзата помош
– Се слушна силен тресок, а потоа бликаше вода нагоре. Слушнавме кочење момент порано. Добро што не удри некого. На тој дел од улицата секогаш има многу луѓе, вели читател кој до хрватските медиуми испратил фотографии од сообраќајната несреќа во загрепска Дубрава.
Како што потврдија загрепските пожарникари, утрово околу 8.30 часот добиле дојава дека мора да ја затворат водата на оштетениот надземен хидрант.
– На терен имаше едно противпожарно возило со пет пожарникари. На местото на настанот биле упатени и возила на брза помош и водоводен персонал. Возачот нема видливи повреди, но побара да пристигне брза помош – велат пожарникарите кои брзо пристигнале на лице место.
– За кратко време улицата беше поплавена, но пожарникарите пристигнаа многу брзо. Сега се е под контрола. Автомобилот со кој удрил во хидрантот е уништен од напред, а уништен е и неговиот браник одзади. Добро е што нема повредени, или не дај Боже жртви – додаде друг читател.
📸
📸
📸
📸
📸
